مكرونة بالبشاميل و السجق و خليط الاجبان
المقادير :
كيس مكرونة فرن او قلم او بينني
نص كيلو سجق بلدي من مصدر موثوق
ربع كيلو فلفل الوان مكعبات
بصلة مكعبات
نصف كوب ذرة حلوة
نصف كوب زيتون مخلي
نصف كوب جبن رومي مبشور
نصف كوب جبن موزاريلا
مقدار كوب و نصف بشاميل خفيف
ملعقة قشطة حليب للوجه
الطريقة :
* هنشوي السجق في طاسة و نركنه على جنب يبرد و يتخلص من السوائل
* نشوح بصلة في ملعقة زيت لحد ما تبقى شفافة مايلة للاصفر الفاتح
* ننزل بالسجق بعد ما نقطعه بحجم يناسب حجم المكرونة اللي هنستعملها
* نشوحهم سوا و نطفي النار
* ننزل عليهم بالفلفل و الزيتون و الذرة و نخلطهم سوا كويس
* هنسلق المكرونة 50% فقط و نصفيها من غير ما نشطفها
* نخلط المكرونة مع خليط السجق و الخضروات و معاهم الجبن الرومي المبشور
* لو هتستعملي قالب فرن بايركس يبقى ندهنه بملعقة سمن
* ننزل بخليط المكرونة و باقي المكونات
* نفرد الجبن الموزاريلا على سطح المكرونة تغطيه تماما
* ننزل بالبشاميل يغطي السطح
* نفرد ملعقة القشطة على البشاميل
* ندخل القالب فرن 220 لحد ما السطح يتحمر تماما
و الف مليون هنا و شفا على قلوبكم يارب